the madcap laughs

hovudbry

2008-12-02T23:53:00.003+01:00

min veslebror er nok ein av dei aller luraste eg kjenner. her ein dag sa han mellom anna dette:

- eg tenkjer så mykje medan eg et. for då har eg jo så mykje å gnaga på

slice

2008-09-29T20:32:00.003+02:00

eg brende meg på tunga for nokre dagar sidan. tre dagar, ca. eg byrja på eit alt for varmt pizzastykke, trass i åtvaringar. no har eg eit slikt belegg over det brende området, og det kjennes rart heile tida. det einaste som hjelper er å legga tunga inntil gommen. eller eigentleg tannkammen, alveoli for å vera meir presis. det kjennes ut som eit kvitt belegg. eg veit ikkje kvifor, for det er ikkje kvitt i det heile. det er gjennomsiktig. som spytt nærast

2008-09-28T22:52:00.009+02:00

hei!
hei hei.
korleis går det?
finfint. oppgåver å levera, ting å oppleva, men hej! slik er det jo.
ja. sant.
korleis går det med deg?
bra.
godt å høyre.
kva åt du til frukost i dag?
eh. brød og speilegg.
hugsa du å skru av kokeplata?
kva?
hugsa du å skru av kokeplata?
eh. ja.
er du sikker?
.....

gamalt nytt

2008-09-28T17:02:00.009+02:00

eg elskar deg, tenkte ho, men akkurat då beit ho seg i tunga.
faen! sa ho, og sette seg ned på golvet og tok til å grina.

- kva er det?

-----------------------------------------------

alt som hende etterpå kunne ingen høyra, for det kraftige regnveret tok seg brått endå meir opp, og regndropeslaga mot takvindauget laga ein slik overdøyvande larm at denne typen kvardagslege kommunikasjonssituasjonar drukna både i støy og uvesentlegheit.

likevel sto det tydeleg for henne at slik, slik ho ville ha det, eller snarare slik ho seinare skulle oppdaga at ho ville ha det, slik skulle det bli og bli verande. og slik vart det sjølvsagt. i akkurat like stor klisjégrad som ho likte det. og like brått som regnet både kom og slutta, var tilveret minst like godt og fint att.

cobra

2008-08-18T23:40:00.003+02:00

songen heiter no. 6 von karman street, og kvar gong eg kjem på at eg elskar den kjenner eg meg omtrent slik:

SA

2008-08-02T22:56:00.002+02:00

kva gjer ein når ein har ete sjokolade frå 12 ulike verdshjørner i fire veker i strekk, kjenner eit meir eller mindre umogeleg tilfredsstillande behov for meir, men veit at ein ikkje vil klara å halda den inne i kroppen i meir enn toppen eit halvt minutt?

eg veit ikkje.

ronja

2008-06-16T00:13:00.004+02:00

- heiter ein ronny eller raymond, så må ein jo liksom berre bli ei bølle eller bilmekanikar

- ja, og dersom ein heiter kvirinius, så må ein jo liksom berre bli landshøvding i syria

outworkworkout

2008-06-11T00:47:00.006+02:00

ein kveld bestemte eg meg for å setja meg ned å ta ein prat med den lokale katten. eg hadde sett meg lei av å kvar kveld måtta finna meg i å lytta til det som for meg høyrtes ut som meiningslaus skriking rett utanfor vindauget mitt. me sette oss til rette og snakka om laust og fast, dostojevskij, proust og franske indiepop-band, og han fortalde meg om føremonane ved det å ha hale, om korleis verda ser ut gjennom sjølvlysande auge, og om det komplekse kommunikasjonssystemet kattane tek i bruk for å hjelpa kvarandre når dei er i naud (og som gav meg både forklaring på og forståing for nattehyla).

då eg nokre dagar seinare møtte ei lita jente midt i ein av fløysvingane som lurte på om eg hadde sett katten hennar, rista eg på hovudet (for eg hadde ikkje sett nokon svart katt med to kvite striper under haka), men fortalde oppmuntrande at den heilt sikkert ville koma tilbake. kattar veit å passa på kvarandre, sa eg. og akkurat i det eg sa dette, synst eg så tydelig eg kunne sjå eit lurt, grønt augeblunk under den næraste rhododendronbusken.

dette er berre ein kuriositet eigentleg. men eg likar kuriositetar, og dette er mi historie. og no eg ho eigentleg slutt. eg går og legg meg, og kven veit kva som hender då

desillusjonsromantikk

2008-06-03T22:02:00.002+02:00

bror sendte ei melding der han skreiv:

dårleg nytt, søs! festivalen din vert lagt ned

rive gauche

2008-06-02T20:29:00.006+02:00

eg vert så oppteken av føttene mine når eg går barbeint, sa ho, djupt alvorsam. og så sjølvmedviten når eg sleikar på undersida av plastloket til yoghurtboksen

2008-05-30T02:22:00.009+02:00

she looks like a model
except she's got a little more ass
don't even bother
unless you've got that thing she likes
I hope she's goin' home with me tonight

and all she wants is to dance
that's why you'll find her on the floor
but you don't have a chance
unless you move the way that she likes
that's why she's goin' home with me tonight

justin <3

nattaskatta

2008-05-30T02:02:00.003+02:00

me prata om sex og kjærleik i kliséar som er så klisjéfulle at me til slutt forstod at dei er sanne. etter å ha sagt dei igjen og igjen såg røynda meir og meir ut som noko ein må ha på seg silkehanskar og ikkje kasta stein i for å kunna forhalda seg til. og desse tankane, ideane, erfaringane verka vera så ekte. så mykje meir ekte enn det me til vanleg tenkjer, snakkar om og erkjenner. og til slutt såg alt så veldig enkelt ut. tankane var tenkt ut, og det nødne var sagt. det viktigaste er uansett viktigast og kan ikkje forgå. og me kunne gå å legga oss utan å tenkja meir i det heile

eksamensvakt

2008-05-22T12:28:00.004+02:00

når ein søler ut eit heilt glas appelsinjuice og legg merke til at juicen eigentleg ikkje er gul og at den eigentleg ikkje heng saman i ein masse
når sjiraffen sluttar å snakka
når ein er hemmeleg forelska i chuck bass sjølv om snille auge eigentleg er mykje meir tiltrekjande
når folka på bussen eller toget ser ut som plommer og pærer, berre utan steinar
når ein kan eta lilla roser og spytta ut teinane på stilken utan å stikka seg
når ein kan discodansa på cubus utan å tiltrekkja seg merksemd i det heile
når kvite perler er finast
er det at ein kanskje har sjansen til å forstå samanhengen mellom klumpar i syltetøyet og ynskjet om å byggje verdas aller finaste trehytte

gaie

2008-05-21T11:44:00.004+02:00

eg tykjer målingslukt gjer meg godt og har på ei bukse eg ikkje kan gå med dagen etter ei treningsøkt. på verandaen, som heilt riktig er ein veranda og verken ein altan, ein terasse, ein balkong eller ein platting, har eg berre lete valmuane få stå fordi dei minner meg om Linnea og Monet og får meg til å tenkja på fransk. og då kan eg kjøpa "french vogue" og jalouse, ta på meg hatt og kjenna meg vakker. når eg kan gå frå å grina i 12 timar i strekk til å bli oppglødd og glad av soppetne grantre, tenkjer eg at hormon likevel ikkje berre er dumme og eg forstår at hovudet mitt må vera sett saman på ein nærast utenkjeleg finurleg måte. og når eg kan koma på ord som finurleg heil av meg sjølv, forstår eg at eg truleg må vera meint for noko stort

papillon

2008-05-21T00:23:00.005+02:00

gje meg dette minst fem gonger i veka, og "jeg lover jeg skal være for meg selv, jeg skal rydde på mitt rom, aldri mere være dum, og jeg skal legge meg tidlig hvere kveld"

2008-05-13T12:45:00.004+02:00

sola skin, men eg frys og treng ein stad å bu

andvake

2008-05-05T22:32:00.003+02:00

den eine - tullete. kosete. bustete. masete.
den andre - lika. sakna. drøyma. lengta.
den eine - treng. din. kjærleik.
den andre - du. har. mengder.

april/mai/juni

2008-05-05T11:32:00.002+02:00

så kjekt, så bra, så spanande, fordi! er glad fordi, har vondt i magen fordi. spent fordi. redd, utrygg, augo er smale og peikar nedover i ytterkantane, og det ser ikkje så godt ut. det er mest fordi, meir det enn noko anna. fordi, fordi, fordi, kvifor? seier dette fordi, seier ikkje det andre fordi, kan ikkje fordi, eller jo, det kan ein sjølvsagt. hoppar paradis fordi, gjer det ein må fordi. det er eit dårleg svar, eller kan hende ikkje eit svar i det heile, men dersom ein må, dersom ein ikkje klarar noko anna, då må ein berre og det er helst fordi. men sei det då! aller helst no, for å spara krefter, for å få ny krefter etterpå. gjer det no. og gjer det fordi eg ikkje gjer det, fordi eg ikkje veit kva.

kortessay

2008-04-21T15:37:00.013+02:00

.om kva som hender/opptek meg for tida.

eg går med turban på hovudet i sola,
eg har fått eit nytt yndlingsord:

underoverskrift

og til slutt skal det helst koma ei overraskande ending

søknad

2008-03-10T00:12:00.003+01:00

eg ynskjer meg ein privat fotograf som kan gå rundt og ta slike fantastiske bilete av meg heile tida, som kunne få meg til å sjå heilt fantastisk ut heile tida og visa alle kor fantastisk alt eigentleg er, og minna meg sjølv på kor fantastisk alt er, slik at eg aldri, aldri gløymer det

heime

2008-03-09T22:17:00.006+01:00

det kjem "harpiks mot vindauge"-lydar frå tv-en, og eg gler meg til å vinna i lotto på onsdag. eller på laurdag. tidlegare i dag tok eg meg nær av alt som kunne minna om negative reaksjonar fordi eg av og til ikkje kan bestemma kva alle andre skal tenkja og nokre gonger er eg så utruleg redd for å mista det eg ikkje overlever å ikkje ha. eg vonar brørne mine (som eg ikkje kallar T og H, sjølv om eg er aldri så stor fan av gossip girl) og eg vinn førti millionar, men tjue er også greitt. då vil eg gje mykje til noko godt, men også kjøpa meg ei leiligheit. eg vil kjøpa ei leiligheit som har mange rom, eller i det minste plass til fleire, slik at eg slepp å krølla meg saman i sofaen og vera redd for alt eg ikkje kan sjå når eg er aleine og det er myrkt. ofte tørr eg ikkje opna verandadøra om kvelden, for kven veit kva som skulle kunne henda då. difor er eg aldri aleine, og det er finast i verda. men myrkre er også fint og eg vert glad av det og telys. sundagar er så ambivalente. sist gong fekk eg i det minste ei pakke på døra dagen etter, og eg lærte at lukke kan kjøpast for pengar. 499,- for å vera meir presis. og eg treng ikkje meir enn det

men

2008-01-28T00:08:00.001+01:00

takk og lov for kveitebollar!

unytte

2008-01-27T21:26:00.000+01:00

"kan me ikkje berre snakka om noko anna for ein gongs skuld?" tenkte ho, og lengta etter å bli plukka opp av ei gigantisk utgåve av slike spelemaskin-armar dei har på tivoli og sett ned att ein heilt annan stad, utanfor glasboksen ho sat inne i. men ho heldt fram med å nikka, kjøpte ein ny øl og det slo henne at til og med dei som var aller reddast for å bli eldre allereie var minst fire år føre henne sjølv.

ho gjekk fort, fort, oppover, oppover, og brått var vegen full av snø. ikkje ein gong den kulaste joggeskomodellen eller den mest strålande white knight kunne redda henne no

glossy

2008-01-08T00:12:00.000+01:00

99,00,-
for dyrt
men eg treng estetiske element og innputt i kvardagen for å gjera livet mitt fint og for slik å kunna oppretthalda eit lukkeleg tilvere

eg treng vogue for å vera lukkeleg

polemisk

2007-12-12T21:43:00.001+01:00

bakhtin

2007-11-28T20:30:00.001+01:00

retorikkstudenten fekk eit kyss av kjærasten sin for over ein time sidan, og fram til no har han smilt kontinuerleg, utan det minste teikn til svinnande lukke, og berre pupillane hans flyttar seg etter orda han les.
somme gonger er det verkeleg bryet verdt å opphalda seg på biblioteket store delar av dagen

adrian/anne/bert/bridget

2007-11-20T13:28:00.000+01:00

dette er ein hyllest. til kva, veit eg ikkje sikkert, men ein hyllest er det i alle fall. om du vil, er den til deg. også

i går laga eg fruktsalat etter søs si oppskrift. eg laga fruktsalat og kjøpte rosebud-leppomade, og eg er lukkeleg. eg kjenner meg heldig. fordi eg alltid har ein grunn til å krøka overleppa over den øvre tannrekkja for å, om enn noko mislukka, unngå mitt dårlege fotomodellsmil. nærast kvar dag har eg ein av desse dagane. ein av desse dagane då ein berre har lyst å vårskrika, som ronja, heile tida. hovudsakleg finst det, og har funnest det siste halvanna året, éin grunn til mi vedvarande lukke. eg tenkjer ikkje skriva her kva denne grunnen er, for alle veit det jo allereie. alle veit kva den er. men likevel er det ingen som forstår den. ein veit kva, men ikkje korleis. sjølve innhaldet, liksom. ”eg skjønar meg ikkje på det”, seier mari beint fram. og eg ler. eg ler og ler, ein slik god latter, du veit, ein slik som verkeleg kjem frå magen (er det ikkje det ein seier?), for ho er fin og ho veit så mykje og ho har truleg heilt rett. eg trur ikkje nokon forstår. mest fordi det er så enkelt. ”litt som i barnehagen då”, seier guro. og me smiler alle. ja, akkurat som i barnehagen. no har ikkje eg gått i barnehage, så eg har i utgangspunktet ikkje noko bakgrunn for å kunna semjast med ho i dette, men eg har då vore (forholdsvis) liten eg også, og me hadde alltid minst 8 born i huset som eg leika med/passa på, og eg trur ikkje dette kan vera så utruleg ulikt denne barnehagekjensla. "du er min, ho er di og han er hans. og slik skal det vera for alltid!" eg går rundt i bergen og dansar for meg sjølv. så dreg eg til oslo i tre fantastiske dagar og omtalar meg sjølv i fleirtal. eg kjem attende og bestemmer meg for at i dag, i dag, skal eg skriva minst to sider på oppgåva. i staden skriv eg her, og eg kjenner korleis eg vert gladare og gladare. om det nokon gong hender noko usigeleg trist med meg, trur eg likevel eg kjem til å smila. alt det fine som omgjev meg demmer på eit vis opp (noko den observante vil forstå at i seg sjølv kan vera ein smule deprimerande til tider). kan hende har eg litt dårleg samvit for dette, men det ligg ikkje så langt opp som eg likar å tru. kan hende er eg berre påtatt solidarisk. eller skapegoistisk. men eg veit i alle fall at eg aldri har hatt så stor grunn til å uroa meg føre ein eksamen som no, og samstundes at eg aldri har uroa meg så lite føre ein som no. sist gong var det the o.c. gongen før var det erl. denne gongen er det ikkje noko særskilt, forutan berre mi eiga generelle, fine røyndomsoppfatting og dette, desse, og framføre alt denne, som eg ikkje synest gå lei av i det heile

medisin

2007-11-18T21:18:00.000+01:00

desse bileta gjer meg glad. eg trur at dersom det nokon gong vert heilt, heilt, heilt fred i heile verda, jordkloten er vorte frisk att og alle levande har det finfint, kjem noko slikt til å henda over alt. difor må eg nokon gonger stoppa utanfor sony-butikken og berre sjå og sjå lenge, lenge. og gle meg. men no kan eg sjå den her i staden. dette burde eg ha tenkt på tidlegare

oslo

2007-11-15T18:58:00.000+01:00

eg dreg til monopolbyen for å samla gater. kan hende finn eg fleir denne gongen

nøgd

2007-11-11T17:08:00.000+01:00

eg snurrar ei mandarinskalremse tre gonger rundt hovudet og ynskjer meg ein snøleopard. den forrige eg hadde mista eg i eit arveoppgjer og har fått grøne striper i andletet. eg har framleis ein liten, søt ein i sofaen, men den er liten og den er berre i sofaen, så eg saknar den gamle. heldigvis har eg framleis besøks- og koserett. heldigvis.

eg treng likevel meir tid saman med den gamle snøleoparden. meir tid! ein heiltidssnøleopard er det er treng. sjølv om eg har ein sjiraff og låner ein hund. dersom ein fyrst har hatt ein snøleopard trur eg det vanskeleg let seg gjera å leva utan.

men om eg likevel ikkje kan få ein, ynskjer eg meg ein danske i staden. som kan gå rundt meg heile dagen å fylla hovudet mitt med dansk. eller ein yoghurt. ein slik ny, lakserosa ein, med markjorbærsmak. difor vonar eg den neste mandarina eg et også har ni båtar. og at eg aldri, aldri mistar evna til å skrella av mandarinskalet slik at det heng saman i éi, lang mandarinskalremse

heme

2007-10-29T01:34:00.000+01:00

byen min har, i løpet av berre ei veke, klart å læra meg heile fyrste verset av nystemten utanåt. utan noko som helst innsats frå mi side. og i tillegg gjeve meg stort fyrverkeri tre kveldar på fjorten dagar. og då eg gjekk heim i natt hadde eg ein av desse hengande naudrakettane som lyste opp vegen heilt fram til døra mi.

akkurat no er det utenkjeleg å nokon gong reisa herifrå. dersom verda er vid, men voss er vidare, undrar eg mykje på kor vid bergen eigentleg er

wtf?

2007-10-27T01:16:00.001+02:00

nokon har tydelegvis store oversetjingsvanskar:
EG ER INGEN KREFT

m:i:IIII

2007-10-26T17:43:00.000+02:00

kan du gjera meg ei teneste?
slå meg. hardt, berre slå.
slå meg, men set deg ved sida av meg etterpå, med ein kopp te, klapp meg på hovudet og sei oppmuntrande ord.
då lovar eg å plukka den største blomebuketten du kan tenkja deg med det same våren kjem og gje til deg, og eg skal halda fram med å hoppa, dansa, synga og le resten av livet

nykritikk

2007-10-23T16:03:00.000+02:00

i dag gret eg då førelesaren fortalde om Raskolnikov som helst vil isolera seg sjølv, men ikkje held det ut når han lukkast
og like etter måtte eg settja meg på fortauet og le då eg såg alle flagga på festplassen
eg lo då eg møtte ein i duffel coat og gret då eg sa eg måtte gå
då eg vakna hadde noko hendt augo mine, nokon slags allergisk reaksjon trur eg, og eg lo slik at naboane mine også tok til å le ute i gangen, og då eg etter tre lag augensminke framleis såg like hoven ut smilte eg for det
eg lo då eg var så stiv at eg ikkje kunne reisa meg frå krakken i bibliotekskaféen
men gret då eg innsåg at eg kan alle innskripsjonane på studentkortet mitt utanåt

i går gjekk eg tur i tre timar og hoppa paradis med to jenter og ein gut i kalfaret
i natt måtte eg til slutt gje opp all von om å få sova og sette meg i staden i vindauget med ein kopp te og såg på fyrverkeriet

eg trur eg kan sjå ein samanheng (men er samstundes redd for dei eg ikkje ser) (men eg er glad.. ja, glad berre)

gullet

2007-10-22T23:58:00.000+02:00

eg <3 adjektiv

straum

2007-10-21T10:51:00.000+02:00

ein morgon, på veg til førelesing, litt for seint ute som vanleg, springande med lue, skjerf og jakke berre halvvegs på, sko som eigentleg burde vore bytt ut med eit anna par, truleg med feil bøker og berre ein halvopplada max i nettet, møtte eg den feite, ekle skivebakkskatten, som alltid er like svolten, som babyskrik om natta når eg skal sova, som eg alltid kranglar meg og aldri kjem til å gje noko mat til fordi alle dei andre bebuarane i gata vår likevel gjev han alt han vil ha alltid, og eg tenkte "åå, fine katten"

kva? er eg i ferd med å verta sentimental?

(men like etterpå møtte eg odny miljeteig, og då eg ikkje tenkte "åå, fint hår", gjorde dette meg noko mindre uroa)

attrå

2007-10-04T12:27:00.000+02:00

det hadde du ikkje trudd. hadde du vel? nei, var det ikkje det eg tenkte. men slik er det altså

eg likar løyndomar og sitron. og bergen på fransk

atlet

2007-09-17T17:34:00.000+02:00

soundtrack: shining - 31=300=20 (It Is by Will Alone I Set My Mind in Motion)

nokre gonger får eg berre ein slik trang til å slå hjul. kan hende har eg skrive dette før, eg skriv så mykje rart, så eg hugsar ikkje. men nokre gonger får eg i alle fall veldig veldig lyst til å slå hjul. det er ganske rart, eigentleg, for eg kan ikkje slå hjul. er plar forklara dette med at beina mine er for lange og at det difor vert nærast umogeleg å få dei til å stå rett opp når berre armane rører bakken, tyngdekraft liksom. men det er vel berre tull, om eg tenkjer etter. eg har nok rett og slett for dårleg koordinasjon, eller noko. kva veit eg. men då eg tenkte på dette i dag, at eg skulle likt å slått hjul, akkurat der og då, inne på biblioteket, der det er nokså stille og mange mange folk over alt, då såg eg ut vindauget. og der såg eg det eine fløybanetoget som rørte seg oppover fjellet på motsatt side av byen. og då tenkte eg på kor utruleg teit det er at eg berre har tatt fløybanen ei gong i mitt liv. ei gong berre. og så tenkte eg på at kvar gong det er fint ver, eller stygt ver for den saks skuld, og eg finn ut at eg skal gå ein tur på fløyen, då tar eg aldri fløybanen. dette heng truleg saman med at når eg går tur på fløyen, så er det helst for å trena litt, ikkje berre sitja i ro inne heile tida, koma ut i frisk luft og gå fort fort og få mykje slankare hofter og lår og slikt, og då ville det vera ein dårleg ide å ta fløybanen opp, for då fekk eg ikkje gått skikkeleg fort i alle oppoverbakkane. eller skikkeleg fort i alle nedoverbakkane dersom eg tok banen nedover og ikkje opp. eg tenkjer at det er mykje betre for meg, reint fysisk, å gå opp på fløyen framføre å reisa med fløybanen. eg tenkjer at det er betre, og difor går eg. men eg har lyst til å ta fløybanen ei gong. eg har så lyst, men likevel går eg. eigentleg har eg mest lyst til å reisa med den gamle fløybanen, den som gjekk før den nye hi tec-fløybanen, og som var mykje meir romantisk eigentleg, men det vert nok litt vanskeleg, så det unngår eg helst å tenkja på. men eg tenkjer at å ta fløybanen, det må eg gjera ei gong. ta ein tur som er bra for meg innvendig, psykisk, eller estetisk, snarare enn fysisk. det tenkjer eg, medan eg går attende til plassen min. og så tenkjer eg at eigentleg, eigentleg, ville det vore ei mykje billigare, reint økonomisk sett, estetisk og psykisk trening å slå hjul på hf-biblioteket (eller h-biblioteket eller kva i all verden eg eigentleg skal kalla det no) enn å ta ein tur med fløybanen. men eg slår ikkje hjul, det gjer eg aldri når eg får denne lysta, og difor går eg heller attende til plassen min og skriv meir om foucault, og tenkjer at eigentleg kunne eg trengt ein sjokolade. for konsentrasjonen si skuld berre. eller kanskje berre estetikken si. eller kva eg no klarar å overtyda meg sjølv om at det eigentleg er for

indiesk

2007-09-10T15:26:00.001+02:00

soundtrack: lykke li - time flies

korkje facehunta eller brgnstila. men pitchforked derimot. høg på urtete og slagsmålsklubben og andre heltar, men likevel. wow liksom. poppis

harry

2007-07-15T13:42:00.000+02:00

soundtrack: sonic youth - the empty page

om eg startar på PS i dag, og les kontinuerleg heilt fram til den 21. kan eg i teorien rekkja å lesa både denne og CoS, PoA, GoF, OotP, HbP før DH. ei bok kvar dag då, eller 467,67 sider. eller 147.657,17 ord.

heia heia!

eg kjem til å bli motteke som ein gud på litteraturvitskap til hausten

dilla

2007-07-14T00:41:00.000+02:00

soundtrack: steve wonder - happy birthday

yes. endeleg har eg også eit fotoapparat av seinare årgang enn 1994

eksistensialisme

2007-06-28T15:04:00.000+02:00

soundtrack: tom waits - heartattack and wine

live
evil

nokre gonger lurer eg på om dette er eit ironisk statement eller om det rett og slett er skildrande, heilt på botnen liksom

biensur

2007-06-08T14:05:00.001+02:00

soundtrack: jens lekman - the one dollar thought

ho smakte på håret sitt og tenkte: det smakar.. det smakar godt. det smakar akkurat slik det luktar. på same måten som eplesider gjer det. og kaffi

framtidsparodi

2007-05-30T16:31:00.001+02:00

soundtrack: panda bear - ponytail

den andre: kva studerar du eigentleg, du?

den eine: akkurat no tar eg to kurs i litteraturvitskap og eit i filosofi

den andre: å ja

(stille)

den andre: kvifor det?

den eine: ja.. eg likar det godt, berre.

den andre: likar du det berre?

den eine: ja (stille). eg likar det berre

den andre: å ja

(stille)

den andre: kvifor likar du det berre?

den eine: ja, eg..

(stille)

den andre: ja?

den eine: ja, eg likar det fordi.. fordi eg visste at eg kom til å lika det, og så likar eg det berre

(stille)

den andre: kva skal du bli når du vert stor då?

den eine: når eg vert stor skal eg bli generalsekretær i FN

den andre: (alvorleg) å ja. ja, det høyres spanande ut

den eine: ja. det tykjer eg også

den andre: ja. det.. er vel difor du tek litteratur og slikt då?

den eine: kanskje det

den andre: (alvorleg) men du treng vel å kunna nokon språk også då? om du skal verta generalsekretær, meiner eg

den eine: (smilar) eg gjer vel det. eg kan litt fransk då

den andre: (alvorleg) ja. ja, men då så. og engelsk kan du vel. og tysk lærer du jo fort, og spansk..

(stille)

den andre: ja. akkurat. generalsektretær i FN. spanande. og i kveld skal du på teater. jon fosse, var det det du sa han heitte?

stemningsraport

2007-05-01T23:17:00.000+02:00

soundtrack: hot chip - no fit state

ananas = namm!
msn = vik!
defekt = hahaha!
natt = motivasjon!
tøfler = varm!
heimetrykt t-skjorte = stolt!
sex and the city = leggetid = fristande!
ananas = au!
telys = kos!
syd = elsk, elsk, elsk!

cause i’m a poet
don’t ya know it
and the wind, you can blow it
cause i’m mr. dylan, the king
and i’m free as a bird on the wing

essayanalyse = uaktuelt

helt

2007-04-30T18:34:00.000+02:00

soundtrack: pink floyd - interstellar overdrive

dette er fyrste gong eg seier dette slik. og truleg også siste (sidan eg eigentleg motseier meg sjølv no). truleg litt ei slik heat of the moment-greie.

men likevel. roger, du er best

<3

villbringebær

2007-04-18T17:45:00.000+02:00

soundtrack: a sunny day in glasgow - wake up pretty

kan ikkje nokon vera så snill og berre ta kontroll? bestem for meg. bestem over meg. sei kva eg skal gjera. og få meg til å gjera det du seier. (eller gjer det for meg, om du vil.) s'il vous plaît. snälla. pretty pretty please.
hald meg fast. dytt meg i veg. kva enn du måtte føretrekka.
bestem! og gjer det fort.
eg lærer aldri. så nokon må bestemma.
eg vil klara å velja ein ciabatta til lunch. og kva genser eg skal ta på meg om morgonen.
men eg klarar det ikkje.
eg vil slava. eg vil stressa.
men eg gjer det aldri.
difor treng eg deg.
syt for at eg held meg i arbeid. syt for at eg ikkje daffar av. syt for at eg søv om nettene. syt for at eg søv eller les på toget.
og at eg ikkje får tak i sesong 2 og 3 av the oc på dvd før om minst to månader..

vår

2007-03-27T14:39:00.000+02:00

soundtrack: klaxons - magick

dato: 26. mars
tid: 19:30 (altså like etter solnedgang)
stad: vangsvatnet
hending: BADING

ny rekord!

romlekam

2007-03-06T15:34:00.000+01:00

soundtrack: the beatles - strawberry fields forever

av og til oppfattar eg tredimensjonaliteten i verda
volum, liksom
eg ser at husa er boksar
som står bak og framføre kvarandre
at fjella ligg bak husa att
og heller ikkje dei er flate
verda er ikkje berre eit teppe som heng ned framføre meg likevel

når eg ser dette ler eg
og etterpå har eg berre lyst til å gå heim å eta jorbæris

ambiance

2007-02-15T13:10:00.000+01:00

soundtrack: final fantasy - song song song

å ligga på golvet på biblioteket
under Emilio sin stol
å sjå ut over kaféen
å snu seg og sjå opp i taket
ventilar og tente lampar
med armane rett ut til sida
å tenkja på korleis me skal få plass til 30 sosialantropologi-vener i stova vår
med tøfler på føttene
og teppe rundt resten av meg
å sjå opp i taket
å sjå ut over kaféen
slik skal eg ha det resten av livet

ikea

2007-02-10T13:45:00.000+01:00

soundtrack: jürgen paape - so weit wie noch nie

me høyrer ein som syng i eit rom
me jagar monotomien
me gjer timar om til år
og at måneskin skin ut frå vårt hår
me flyr uendeleg langt bort

berrenett

2007-02-08T13:19:00.000+01:00

soundtrack: joy division - ceremony

stå i vindauget å sjå litt. hustak, båtar, menneske, sol, sol, sol. kosa i tjukkelabbar og t-skjorte. frukt. ferskt brød. teikna oppmuntrande teikningar på nistepakka. kjenna på humøret. høyra ferdig songen som kjem som etter den som spelar. berre ein. eller to. kan hende. trippa varsamt over is og grus. snøen forsvinn alltid før akebrettet kjem. og grusen vil alltid hjelpa ein ned bakken. men hjelpa er ikkje alltid like god. le litt. sjå på klokka. sjå på ender. sjå på vatnet - ver varsam. isen er ikkje trygg. stoppa litt og høyra på trekkspelmusikk. lengta etter laurdag. lengta etter sommar. elska sola. sakna regnet. sjå på sko i vindauget. sjå på folka på garage. og på 7/11. og bananene der. unngå trepper. nyta kvalskjelettet medan det framleis heng saman. helsa på H.M. Pinnsvinet. sjå på klokka. sjå på menneska. dansa gjennom hf-skogen. sitta litt på verdas beste benk. prøva å blåsa røykringar, eller helst sjiraffar, men det går ikkje for oss som framleis har raude lunger. beundra raudkyrkja. smila litt for kvelden. smila litt for snøenglar. snømenn. smila litt for våren. for utelesing. uteleving. få med alt. sjå på alt og alle fine. store sekkar, små sekkar. store jakker, små jakker. store luer, små luer. store skjerf. kvite kjakar, raude kjakar, brune kjakar, grå. kvite sko. svarte sko. peikande greiner vil gje oss fortente gode klemmar. knitrande rimsnø vil gleda. sola. sola vil ta av alle jakkene. små og store. men det er for tidleg. eller for seint? klatra litt. verda, bergen, høyden, hf. kan hende springa siste biten. auditorium B eller Q eller M. alltid feil alternativ fyrst. og alltid det beste til slutt. trepper og kjente over alt. DJ Geir Svenson spelar på fredag. SAIKH treng nye medlem. og Immaturus har heilhus for siste gong. raude kjakar, bustete hår

er det rart eg alltid går glipp av dei fyrste ti minutta med epos, dramatisk analyse eller Platon og gresk antikk kjærleik?

bøker

2007-02-01T19:26:00.000+01:00

soundtrack: au revoir simone - a violent yet flammable world

når eg vert stor vil eg ha eit bibliotek slik som dette:

og kjøper eg alle bøkene eg har på pensumlista dette semesteret, er eg allereie på god veg.

liverettogslett

2006-12-27T18:54:00.000+01:00

soundtrack: pj harvey - happy and bleeding

jol. jammen. jippi. jabbadabado. jalla. finst det ikkje nokon vanlege ord på norsk som byrjar på j?
verkar ikkje slik.
jol. eg slappar av. eg les. eg drikk te. eg syr. eg skriv. eg spelar. eg syng. eg hoppar. eg dansar. eg ler.
jol. eg jobbar. der ja. jol. jobb.
jobb. eg smiler. eg småsnakkar. eg hjelper. eg serverer. eg surrar. eg tørkar. eg ryddar. eg stablar. eg balanserer. eg vaskar. eg rotar. eg vaskar. eg søler. eg vaskar. eg tullar og vimsar og vinkar og ler.
eg tenkjer. eg byter verda ut med roser og jolapop på stereoen ut med kvitkvite gutar. eg tenkjer. eg drøymer. og gløymer. alle og all verda. jol og jesus. eg vil sova til klokka er fire og eg kan vaska alt bort. likevel vekkjer dei meg. og ler. og smiler. og peikar. og seier at eg er søt. kaféjenta syng. the singing waitress. nesten kult.
sissel tykkjer eg er morosam. eg tykkjer sissel er rar. rar og bra. og irriterande.
eg vaskar og syng høgt. eg skriv timar og skyklar heim. eg et sjokolade. meir sjokolade. og nektar å telja kaloriar. eg nektar å vera smart. eg nektar å tenkja. eg nektar å vera menneskeleg. eg nektar å snakka i telefonen. eg nektar å vera å vera kynisk. eg nektar. ja, høyrer du? eg nektar.
eg drikk te og strikkar. om ikkje jola er kvit høyrer eg framleis på kvite gutar. jim og eg er samspelte som alltid, og lærer oss mykje nytt. eg vil snart ha ein syd. slik at eg kan ha strengjer i bergen også. eg får verken bob eller jim for meg sjølv.
eg orkar ikkje entourage, men ingenting handlar om noko anna. eg likar ikkje verda, men eg elskar den for det.
do you wanna go to heaven-oh or hell-oh?
eg leitar. eg kosar. eg strikkar.
eg snakkar. eg skriv. eg et.
eg hoppar. og dansar. eg gler meg til ballett.
eg syng og trallar.
og spelar live i eit rom.

kjære..

2006-12-13T14:34:00.000+01:00

soundtrack: chicago - if you leave me now

..karl marx. og du som vil vera karl marx. du med den fine panneluggen og kjærasten din. du frå johanneskyrkja som eg no ufriviljug forfylgjer. du kjekke asiatiske gut. de koselege kafémenneske. "hun søte". alle andre frå religion, du med krøllane til dømes. rock star. du med knebukser og stort skjerf. han eyvind. du pliktopfylgjande jente som alltid gjer noko vetugt og har fine genserar. du med dreads. du kinesiske jente ved dataen. tyske-karsten. og krølle-pelle. SANT301-guten med øyiske briller. du som vil sjå ut som per sundnes. du franske gut me tok flyet saman med til paris den gongen. du med 70-talslua. du som alltid er saman med ho med 70-talslua. du med krøllar som ikkje vil resirkulera. pingvinen. du afrikanar som alltid smiler. du med slikt eit fint, raudt hår. du med den fine kjolen. du som nesten har veldig kul hårsveis. ex.phil-etienne. du med six pencen. du med litt for korte bukser. hans marius hansteen. du som er gravid og alltid skriv på eit word-dokument. peter frå politisk idéhistorie. du utruleg kjekke og intellektuelt mystiske som slutta på politisk idehistorie. du med langt hår som rappa metalisk på kvarteret. du som jobbar på kvarteret og liknar på torkild. og alle de andre vakre biblioteksmenneske.

eg kjem til å sakna dykk. alle saman. utanom rock star, for du dukkar vel opp på jolajazzen også, kan eg tenka meg. vonar de skal vera på biblioteket til neste år også. slik at me har nokon å prata om!

tårnfalk

2006-12-06T17:39:00.000+01:00

soundtrack: curtis mayfield - move on up

kvi! sei meg kvi! kvi skjøna eg ikkje at trientkonsilet var uviktig? og at maimonides kunne vore ein kva som helst mann i mitt hovud og eg ville likevel vore eit lukkeleg menneske? eller at twahid er eit ord ein ikkje treng å kunna? sei meg kvi! kvi! kvi las eg til religionseksamen i det heile?

(apropos: dette er siste eksamensrelaterte post for i år, eg lovar. på tru og ære. kors på halsen. ti fingrar i nasen)

etterlengta

2006-12-01T00:57:00.000+01:00

soundtrack: death cab for cutie - soul meets body

1. desember: pepperkaker!

poetisk

2006-11-27T12:36:00.000+01:00

soundtrack: boards of canada - eagle in your mind

ei ullhue i regn som slår
alt er skydd
alt, til og med lukta av vete som var for langt borte til å kjenna
to av dykk, to av huer
berre ei som tel
slåande, dettande, fangande dråpar
lagar lukt for langt borte til å kjenna
alt er skydd
alt er skydd
uforklarleg, veit ikkje kvifor
ei ullhue i mørket
svingande greiner, svingande tre
gjer førebuingane meir overkomelege enn nokon gong
berre huene, berre den eine
under slåande, dettande, fangande dropar
melankolien får ei tyding
alt passar inn i den
lukta av våt ull kjem attende heile tida
alt er skydd
auge, raudskjer, ullhue
eg vil alltid sjå deg der
sjå deg der sjølv om
du er for langt borte til å sjå
for langt borte til å kjenna
lukta av vete er for langt borte
for langt
for langt til å lukta, for langt til å sjå, for langt til å kjenna
for langt
alt er skydd

førebuingar

2006-11-26T19:20:00.000+01:00

soundtrack: radiohead - how to disappear completely

eg veit det nærmar seg eksamen når:

eg byrjar verta glad i dei andre menneska som også heng på biblioteket
eg tek til å skriva dikt og noveller att
eg står opp tidleg om morgonen
eg vurderer å gøyma meg for karl marx og overnatta på biblioteket
eg brukar tidobbelt så mykje pengar på kaffi enn vanleg
eg får hallusinasjonar
eg utviklar intern humor med meg sjølv
eg tel timar, minutt og sekund til lunchpausane
eg vert ekstrem-oppteken av ein eller fleir ting som absolutt ikkje har med eksamensførebuingar å gjera
eg fyller ut alle sidene i kalenderen min
eg brukar studvest til innandørs sydvest
eg les om spinoza og bobbio med paola si stemme i hovudet
eg ler. og ler. og ler. av nesten kva det skulle vera. og er generelt i godt humør. ironisk nok
eg oppheld meg meir på campus enn i skivebakken
eg spring rundt med teppe og tøfler mellom biblioteket og kantina og doen og kafeen
eg høyrer endå meir på melankolsk musikk
eg veit kva alle bøkene på pensum heiter
eg bestemmer meg for kva eg skal bli når eg blir stor - over and over again
eg skriv lister over alt eg skal gjera når eg er ferdig med eksamen

når eg er ferdig med eksamen skal eg:

reisa med fløybanen til topps og eta lunch der
ta med meg liggeunderlag og sovepose og kikka på stjernene frå muséhagen
anskaffa pannelugg
gå på biblioteket og låna cd-ar
sitta på kafé UTAN å lesa bøker
dansa mykje, mellom anna ballett
henta gitaren min, jim, og spela mykje på den
gå til skansen og prøva slenghuska
snakka med den kjekke kantineguten igjen
verta kjend med han eg ufriviljug forfylgjer
starta på neste syprosjekt
kjøpa støvlar, regnjakke og ny paraply
ha vinkveld med overfladisk snakk
læra å spela sjakk
gå på naturhistorisk museum med sjur
måla ferdig biletet til guro
finna ut kvifor alphabetical-songen til phoenix er 7:31 minutt lang når den eigentleg berre varar i 3:23 minutt
gå på kunstmuseum
kjøpa ei svart bukse
søkja om å få verta journalist i atrium
eta fiskekaker på søstrene hagelins
laga jolapakker
montera bokhylle på rommet mitt
melda meg inn i immaturus (på ordentleg denne gongen)
læra meg tysk

oppdateringar kjem undervegs

hufsa

2006-11-21T09:30:00.000+01:00

soundtrack: nanny nanny boo boo - le tigre

snille deg. Erna Solberg. Jern-Erna. eg må få oppmoda deg om ein ting. kan du ikkje farga håret ditt svart? og gå med svarte klede heile dagen, alltid, alltid? ja?

metablogg

2006-11-20T20:15:00.000+01:00

soundtrack: the smiths - heaven knows i'm miserable now

metafysikk, metalitteratur, metakunst, metamusikk, metabetapeta. metablogg. dette er ein metablogg. den handlar om kva ein blogg er.

Emilio seier at alle bloggar er uviktige. difor skriv han dikt i staden.

eg skriv blogg. og er metalitterær. metabloggar. metafor.

når eg blir stor skal eg bli verdens beste novelleforfattar. og tekstforfattar. og playwrite

no skriv eg blogg. jaggu

verkeleg?

2006-11-12T20:04:00.000+01:00

soundtrack: stardust - music sounds better with you

Anonymous said...

hei.
erlend øye her.

(...)

kult å se min sang på nynorsk,
ble veldig poetisk med en gang!

erl

07 november, 2006 17:23

... still trading roses ...

Rousseau

2006-11-12T00:35:00.000+01:00

soundtrack: jens lekman - tram # 7 to heaven

Jean-Jaques og eg. eg og Jean-Jaques. me er ganske godt kjent no. vener nesten. førelesarane likar deg ikkje. anarkistvenen likar deg ikkje. likte deg ikkje. kan hende eg overtalte han. folk likar deg ikkje. eg skjønar ikkje det. eg trur du er misforstått.

du stiller mange spørsmål. spørsmål som eg trur det er viktig at nokon stiller. alt for få stiller dei no. synst eg. eg stiller dei no. men eg har ikkje svara. men det har du. sjølv om det er litt vanskeleg å heilt sjå dei. sjølv om det er litt vanskeleg å forstå dei.

eg og du, Jean-Jaques. eg skjønar ikkje alt du skriv, men eg likar det eg skjønar. i alle fall mykje av det. demokratisk kommunistisk anarkisme. eller noko. men no er eg anakronistisk. trur eg. men Jean-Jaques. eg set min lit til at du kan redda meg. meg og IDH201.

islamoppgåve

2006-11-08T00:33:00.000+01:00

soundtrack: edit piaf - padam... padam

pička te materina

den hadde eg gløymt

balkanisert

2006-11-01T21:27:00.000+01:00

soundtrack: nouvelle vague - heart of glass

akkurat no har eg veldig lyst til å skriva noko
akkurat no kjem eg eigentleg ikkje på nokon ting eg kan skriva om
akkurat no tenkjer eg at det får vera det same, for eg VIL skriva
akkurat no kjenner eg meg flink
akkurat no føler eg at min eksistens likevel ikkje er heilt likegyldig for verda sin framgang
akkurat no kjenner eg at eg faktisk kan bidra med noko
akkurat no er sjølvtilliten på topp
akkurat no veit eg ikkje heilt kvifor eg kjenner det slik
akkurat no veit eg at eg har lært uendeleg mykje så langt dette semesteret, både på skulen (=uni), i sosialt samkvem, i organisasjonsarbeid og ganske mange fleir ting faktisk
akkurat no tenkjer eg at eg 8 koppar latte kan hende ikkje var så lurt
akkurat no er eg glad
akkurat no er eg varm, og det er veldig deilig sidan eg har tilbrakt dei fleste timane etter at eg kom attende til moderlandet i konstant frostskjelving
akkurat no har eg lyst på gardeball sjølv om eg veit at om to timar har eg ikkje lyst lenger
akkurat no er han bra
akkurat no har eg lyst til å ta på meg skjørt og pumpsa på hylla å hoppa og dansa i sofaen og synga høgt, høgt, høgt
akkurat no er verda fin
akkurat no er alle fine
akkurat no er eg nøgd med valet eg gjorde angåande studentrådsvalet
akkurat no veit eg at sensorane i politisk idéhistorie kjem til å elska meg
akkurat no har eg kontroll på Rousseau
akkurat no har eg skrive akademiske sitat med kyrilliske bokstavar på alle aviser eg kunne få tak i
akkurat no har iTunes skifta song, og eg høyrer eg på ein helt som syng om triste, viktige ting
akkurat no gler eg meg til i morgon, då skal eg lesa, lesa, lesa og sjå Paris, je t'aime på kino
akkurat no smiler eg litt for meg sjølv
akkurat no saknar eg Balkan
akkurat no saknar eg å reise
akkurat no er eg likevel glad for å vera her
akkurat no er eg ferdig. no skal eg dansa

hvala

2006-10-30T15:20:00.000+01:00

soundtrack: bel canto - big belly butterflies

tour de Balkan 2006: Zagreb - Kroatsia, Banja Luca - Bosnia Hersegovina, Novi Sad - serbia

eg har delt seng med ein gut på eit serbisk bordell. éi pute, éi dyne, gjennomsiktig do-dør, speiglar rundt heile senga, berre jenter i resepsjonen og unatruleg høg 90-talsmusikk i gangane. dersom det fanst ei universitetslue (jamfør russelue) ville eg no definitivt fått ein stor knute på dusketråden.

husbåt-lista må oppdaterast. Novi Sad, Rebulika Srbska. den nye byen (eit ordspel for dei som kan serbisk) i mitt hjarte. akk.

preferanse

2006-10-12T21:34:00.000+02:00

soundtrack: kings of convenience - i'd rather dance with you

eg vil heller blogga enn å skriva kvasiakademisk om konfesjonalisering

because i haven't read a single book all year. eller noko

plagiat

2006-10-10T13:40:00.000+02:00

soundtrack: the whitest boy alive - above you

i kampen for å høyra til har kvar dørklokke sin kode. berre ved eit blikk kan den opnast, om du har det eller ikkje
det finst hus og det finst menneske å gå ikring og sjå opp til. kvar svale har si årstid som kvar galge middagstid
ved rytmen i frå språket, ved gnisten i dit steg. snakk i gåter, ver ærleg. med skjold eller heilt open

lærepengen du treng, kan ingen gje til deg
opn opp og strekk deg mot stjernene. oppanfor deg

viss du har ein måte for kunnskap, kan kvar elv overvinnast. tap ein spurv som nett har landa, for den som aldri var
det fins ein song for kvar ein drøymar, medan dei klyv frå gjerdet ned. byter røynda ut for roser, medan andre veka tek til

der ingen har kontroll; der den unge skuggar for den gamle
fordomar og visdom er det same. eg vil ha deg

eg vil ha deg

fri

2006-10-03T19:48:00.000+02:00

soundtrack: serge gainsbourg - sois belle et tais-toi

eg er 20 år og utan reggis. frå no av skal eg smila frå morgon til kveld året rundt. ingen sorger for store. alltid. sjå på meg!

illebefinnande

2006-10-02T23:21:00.000+02:00

soundtrack: jethro tull - skating away on the thin ice of the new day

eg er sjuk
faktisk. for ein gongs skuld. på skikkeleg. bale
kvar gong eg er sjuk tenkjer eg at eg vil vera sjuk slik som dei er sjuke på film. eg vil at håret mitt skal se ustelt ut på ein fin måte og augo trøytte, men samstundes vakre. eg vil ha på meg store tjukkelabbar og ein grå eller brun ullgenser med stor hals og vera tulla inn i eit gigantisk teppe eller ei dyne som ser ut som dei i lexingtonreklamane. og så vil eg ha ein sånn trofémann som ser fantastisk ut og har mjuke massasjehender og som lagar te og kakao og varm mjølk med honning til meg heile dagen. ja. slik sjuk vil eg vera. eg vil ikkje ligga i senga å kjeda meg ein heil dag. nei. bale
eg er sjuk
faktisk. eg. sjuk. shit
halsen min gror att og dvergane som til vanleg bur i magen min har flytta seg opp til hovudet. kjedeleg
eg er sjuk
men ikkje syns synd på meg. det klarar eg fint sjølv

besett

2006-09-10T22:41:00.000+02:00

soundtrack: alicia keys - rock with you

han liknar på john lennon, sa guro

ja?

goodbye crazy diamond

2006-07-14T12:25:00.000+02:00

Syd Barrett (6. januar 1946 - 7. juli 2006)

soundtrack: pink floyd - jugband blues

It's awfully considerate of you to think of me here
And I'm most obliged to you for making it clear
That I'm not here
And I never knew the room could be so big
And I never knew the room could be so blue
And I'm grateful that you threw away my old shoes
And brought me here instead dressed in red

And I'm wandering who could be writing this song

I don't care if the sun don't shine
I don't care if nothing is mine
And I don't care I'm nervous with you
I'll do my loving in the winter

And the sea isn't green
And I love the queen
And what exactly is a dream
And what exactly is a joke

høgt elska, sårt sakna

petter pan-syndrom

2006-07-13T17:09:00.000+02:00

soundtrack: the streets - turn the page

14 år
dei sa: konfirmasjon! no er du vaksen

16 år
dei sa: over dei fleste lågaldrar. no er du vaksen. sex..

18 år
dei sa: ..drugs and rock and roll. og lappen sjølvsagt. myndig! no er du vaksen

19 år
dei sa: universitetet! vanking med store, intellektuelle menneske. no er du vaksen

20 år
dei sa: ikkje tenåring lenger! pentis på laurdagen! pianobaren! no ER du vaksen

eg sa: nei takk. eg vil ikkje. eg vil ikkje. eg vil ikkje. eg vil ikkje

dei sa: hahaha. frøken vil-ikke!

eg sa: exactly!

dei sa: berre vent!

eg sa: ja!

stor? eg? langt i frå! eg er akkurat passe stor eg. fyller meg sjølv heilt på langs og på tvers, frå øverst til nederst. er du større enn deg sjølv kanskje?

ynskje

2006-05-15T22:30:00.000+02:00

soundtrack: jack johnson - sitting, waiting, wishing

eg skulle ynskje at det var mandag i forrige veke i morgon

no

2006-05-13T15:12:00.000+02:00

soundtrack: pink floyd - the happiest days of our lives

i dag er det:

4 dagar til 17. mai
6 dagar til Ida sin bursdag
9 dagar til innlevering av semesteroppgåva
18 dagar til eksamen
19 dagar til somarferien
21 dagar til Mari sin bursdag
24 dagar til svenska flaggans dag
61 dagar til er eg 20 år
62 dagar til den franske nasjonaldagen
69 dagar til mamma sin bursdag
79 dagar til Harry Potter sin bursdag
(...)
225 dagar til jolaftan
245 dagar til Orlando Bloom fyller 30 år
og
eg vert 20 og eit halvt
om 61 dagar er eg 20

dette har eg visst sidan desember i fjor. og likevel har eg ikkje gjort noko med det.
(byrja på semesteroppgåva til dømes)

sånn går nu dagan

oppmoding

2006-04-29T18:45:00.000+02:00

soundtrack: the doors - tell all the people

eg vil med dette oppmoda alle som av ein eller annan grunn har gått inn på min blogg til å også sjå på profilen min. ikkje fordi den er spesielt interessant, men fordi du rett og slett vil gjera meg ei teneste. det ser mykje betre ut med til dømes 147 profile views enn med 24.

på førehand takk!

fredeleg helsing livelive

jobb

2006-04-27T11:44:00.000+02:00

soundtrack: beck - guess i'm doing fine

sist torsdag leika eg tikken med Frank Årebrot, og snakka med Jostein Gaarder på telefonen.

i dag spør Dr. Denis Martin meg om eg treng helsemedisinen min på internet.

glad

2006-04-24T21:53:00.000+02:00

soundtrack: thomas dybdahl - a love story

det var ein fin dag. ein av dei første dagane det faktisk var varmare å vera i sola enn i skuggen. me gjekk på tur. eigentleg skulle me plukka blomar, men det var berre april og det hadde ikkje vore så mykje vår endå. så det heilt store mangfaldet fann me ikkje. men eg plukka i alle fall ein hestehov. eller var det du som plukka den? eg er ikkje heilt sikker. kan hende gav eg den til deg først. og så sette du den i håret mitt etterpå. men eg veit ikkje heilt. hugsar ikkje sikkert.

den hestehoven tørka eg. eg hadde aldri tørka ein einaste blome i heile mitt liv før. eg har pressa eit tusentals firkløverar, men aldri tørka nokon. men det gjorde eg altså med denne blomen. eg hengte den opp på rommet mitt. utan eigentleg å tenkja over at eg gjorde det. og der har den hengt heile tida. lenge. saman med den lilla blomen frå den siste skuledagen på vidaregåande. ingen veit kva det er for ein blome. og ingen veit at den er spesiell. eg har den framleis.

eg trudde toget gjekk klokka to minutt på halv åtte. men det gjorde det ikkje. det gjekk ti minutt på halv åtte. det var rein flaks at me rakk det. slik var det eigentleg kvar gong du skulle ta toget. rein flaks at me rakk det. me sprang halvparten av vegen kvar einaste gong. eg tok alltid ein dusj når eg kom heim, for eg hadde verkeleg sprunge. men denne dagen var me heldige og slapp å springa. me møtte mamma og bilen. og når eg kom heim tenkte eg at eg aldri meir skulle dusja i heile mitt liv.

då eg logga på msn på kvelden vart du glad. du hadde skrive noko fint på fransk bak namnet ditt. det var litt feil stava, men det sa eg ikkje til deg. du hadde vore pålogga lenge. men du hadde sjølvsagt ikkje venta berre på meg. du hadde noko arbeid du skulle gjera på dataen. du hadde ikkje gjort så mykje.

du sa at i dag var du udødeleg. eg vart litt redd. og litt glad. men mest forvirra. eg skjøna ikkje heilt kva du meinte. men eg tenkte at det måtte vera noko bra. og eg var glad. det er eg framleis. sjølv om eg kan hende ikkje var det heile tida. men eg var glad då. og eg er glad no også.

husbåt

2006-04-10T21:21:00.000+02:00

soundtrack: bob marley and the wailers - satisfy my soul

når eg vert stor skal eg bu på ein husbåt. ein slik fin husbåt du veit. ein slik ein som ein faktisk kan køyra med
fyrst skal eg ankra i Amsterdam. i Prinsengracht. eller Prinsekanalen om du vil. midt mellom cannabisdyrkande bohemar, rike livsstilsutforskarar, kattar, sosialklientar og alternativt tenkande "middelklassemenneske".
så skal eg kasta loss og dra til Paris. eg skal bu midt i Seinen. eigentleg ville eg budd i St. Martin-kanalen. men den e nok litt for liten.
kanskje skal eg bu litt i Stockholm. og litt i Finland. eller kanskje litt meir enn litt. Helsinki.
så skal eg dra til Asia. via ei eller anna elv. eller mest sannsynlig meir enn berre éi elv. eg skal i alle fall til India. og nokon -istan land. og Vietnam. og alle dei kjekke landa.
eg skal vidare til Burkina Faso. nærmare bestemt Ougadougo. eg har alltid hatt lyst dit. heilt sidan eg hadde askeladd-prøve om Afrika på barneskulen.
eg skal bu på ein husbåt. når eg blir stor. eg skal bli fransk. og nederlandsk. og svensk. og finsk. og asiatisk. og burkina fasosk.

kvifor

2006-04-02T18:50:00.000+02:00

soundtrack: coldplay - amsterdam

kvifor tek nokre menneske til å pakka kofferten allereie ei veke før dei skal ut å reisa?

teit

2006-03-29T15:19:00.000+02:00

sountrack: radiohead - karma police

folk seier at dei synest det er teit å skriva blogg. men dei skriv blogg likevel. kanskje er blogg teit. men det er då endå teitare å sei at det er teit. det er teit det. eg seier at det er teit å sei at det er teit å skriva blogg. i alle fall når ein skriv blogg sjølv. men då er eg også ganske teit. for eg seier at dei er teite som seier at det er teit å skriva blogg. så berre gløym at eg sa at det var teit. for det er teit å sei at andre er teite. og det er teit å sei at det er teit å sei at andre er teite. og det er teit å sei det også. og teit å sei at det er teit å sei det også. alt er teit å sei som har teit i seg. og no er eg i alle fall heilt ufatteleg teit. og det har eg faktisk sagt at eg er to gonger no. det er teit det. eg byrjar å bli ganske lei av ordet teit no. det håpar eg du gjer også. teit er eit utruleg teit ord. eit teit ord som ingen burde bruka. teit teit teit. gud, så teit. eg er lei. og eg er teit. alt er teit. men eigentleg er igenting teit. eg skal aldri meir sei at noko er teit. akkurat på same måten som eg aldri skal sei at eg hatar. kanskje eg skal skriva ein blogg om hat også. men når eg tenkjer meg om er det kanskje litt oppbrukt. altså litt teit. men det skulle eg ikkje sei meir. ****

sjiraff

2006-03-27T14:08:00.000+02:00

soundtrack: pink floyd - us and them

Ho hadde hovudet fullt av sjiraffar. Same kva ho gjorde
var det ikkje anna enn sjiraffar ho tenkte på. Dessutan
hadde ho fått store smerter i halsen dei siste dagane.

busstur

2006-03-23T09:03:00.000+01:00

soundtrack: 5th dimention - good morning star shine, the earth says hello

i dag tidleg møtte eg ein mann på bussen. klokka 07:43. på 31-bussen frå Oasen til Industrihuset. han var rundt 70 år og hadde masse kvitt på seg. kvitt hår, kvitt skjegg, kvit ryggsekk, kvite augeeple, kvitt slev på haka og på jakkekragen (ekte Ole Einar Bjørndalen-stil).han var sur på bussjåføren som køyrde alt for seint. og så ville han gjerne at eg skulle vera med han til Syden. Bergen var ikkje nokon blivande stad, meinte han. kaldt og vått "hele jævvvla tiden". sjølv om sola då nesten hadde stått opp og himmelen var blåare enn.. noko som er veldig blått. til dømes ein blå blomst - ei blåklokke. og himmelen var altså mykje blåare enn den. og eg synest det var ganske varmt også. under fire lag med genserar og jakker. og skjerf. og ei lilla pute på magen. så for meg verka ikkje sydenturen så alt for freistande. eg trur ikkje han heilt skjønte kva eg meinte då eg poengterte dette for han. i alle fall hindra det ikkje han i å planlegga turen vidare.

då me køyrde inn i tunnellen såg eg at han vart glad. "de har nok ikkje sånne jævvvla tunnellar i Syden hellar", sa han. verken stygt ver eller tunnellar altså. eg har aldri vore nokon stad som på nokon som helst måte kan knytast til omgrepet "Syden", så eg hadde ingen forutsetningar for å kunne seie meg verken samd eller usamd i det han sa. men så skulle han av på neste haldeplass, slik at me ikkje fekk diskutert saka noko vidare.

han reiste seg og gjekk til døra lenge før bussen stoppa. "så fint vér det e i dag, synest du ikkje det frue?", sa han til dama som gjekk av bussen før han.

og me var alle samde i at det hadde vore ein kjekk og lærerik tur

meg

2006-03-22T16:23:00.000+01:00

soundtrack: dadafon - a man's requirements

hjernestorming

2006-03-14T10:55:00.000+01:00

soundtrack: syd barrett - waving my arms in the air

førelesaren min snakkar på same måten som Gorgon vaktmeister. "observere, persipere, reflektere"

eg har autografen til Sondre Lerche i veska

min pojkvän liknar på Sondre Lerche, men det er berre fordi han ikkje vil likna på Sondre Lerche

og så liknar han på Liam Gallager når han har langt hår og pilotbriller

og på Chris Martin når han har kort hår og trøytte auge

Karl Marx jobbar på HF-biblioteket

frå vindauget kan eg se 8 menneske med palestinaskjerf. eg veit ikkje om eg dømmer, ser opp til eller kjenner meg heilt likegyldig til desse menneska

Thomas Dybdahl er favorittartisten til iPoden min. trur eg

eg vil ha ei slik veske som han guten med det krøllete håret på andre sida av rommet har

dei sel Litago sjokolademjølk i kantina. eller sjokolademelk. alt etter som

Amsterdam-turen og Vossa Jazz er samstundes. eg har eit problem

påsken blir bra. ferie, fri, perm. bra

om 121 dagar er eg ikkje tenåring lenger

dådyrvipper

2006-03-09T12:54:00.000+01:00

soundtrack: pixies - where is my mind

for nokre veker sida klipte eg den eine augnevippa mi. ja, det gjorde eg faktisk. var det fordi eg har eit dårleg forhold til augnevippene mine? eigentleg ikkje.

tenkte eg at det ville vera fint med ei vippe som var kortare enn den andre? ikkje det eg kan hugse.

var eg nyfiken på korleis augnevipper veks? kva som ville hende om eg klipte den? nei.

så..

kvifor klipte eg augnevippa mi? jo, no skal du høyre:

eg skulle sy i ein knapp i jakka mi. og så skulle eg klippe av tråen. rommet eg var i var nokså mørkt. så eg heldt tråen opp til auga. og vips. der var den eine augnevippa mi ganske mykje kortare.

"du er rar", sa broren min til meg etterpå

og moralen i historien denne gang var.. ingenting egentlig. utenom at pixies kanskje er verdens beste band

sundagsbarn

2006-03-01T19:45:00.000+01:00

soundtrack: trang fødsel - lykkelige meg

mandagsbarn får vakre øyne.
tirsdagsbarn blir lett på tå.
onsdagsbarn får perletårer.
torsdagsbarn får langt å gå.
fredagsbarn gjør alle glade.
lørdagsbarn blir sjelden trett.
søndagsbarn får største gaven:
alle dyder under ett.

13. juli, 1986 = sundag :D i feel good..

komplement?

2006-02-28T20:56:00.001+01:00

soundtrack: coldplay - twisted logic

no les familien min eksamensoppgåvene mine på do. hmm..

viagra

2006-02-17T10:07:00.000+01:00

soundtrack: bjørk - big time sesuality

eg har aldri i heile mitt liv fått ein einaste spammail som oppfordrar meg til å kjøpa viagra. eller love pills. eller sex games. det næraste eg kjem slike mailar er reklamar for kleskolleksjonen til P. Diddi. eller kva han no kallar seg for tida.

kvar torsdag jobbar eg på Raftohuset - menneskerettighetenes hus. min jobb her besår hovudsakeleg i å rydda opp i resepsjonsmailinnboksen (kjekt ord, forresten). eg finn det noko underleg at kvar dag (i alle fall kvar torsdag) mottek (og slettar) eg her minst 60 mailar frå Pete Davison, Nancy Henley og Aron Kaufman som vil at resepsjonen på Raftohuset skal kjøpa viagra. eller love pills. eller sex games. eg må innrømma at eg ikkje heilt skjønar kva dei ynskjer å oppnå. eller finnest det ein eller anna skummel link mellom menneskerettsarbeid og eit noko eksperimentelt sexliv? er det kan hende eg som er litt treig som ikkje ser samanhengen?

ein liten diggresjon (dette kvalifiserer kan hende ikkje heilt til å vera ein diggresjon, men eg hadde veldig lyst til å skriva det. diggresjon altså) til slutt: i dag mottok eg i resepsjonsmailinnboksen ein slik mail som eg hadde litt problem med å få meg sjølv til å sletta (ja, eg veit at i dag er det fredag og ikkje torsdag, men min overdrivne snillhet gjorde at eg måtte jobba to dagar denne veka) . den var nemleg verken frå Pete, Nancy eller Aron. men derimot frå mailadressa qbpwntzhdtdedww@webtv.net. for ei utruleg tøff mailadresse! og ikkje nok med det. tema for mailen var nemleg zLwWTOIlKaK UMSpnSw JuBNFOZDhW zegaX KRQBwkcRRhp kqojxNhjX . wow. eg er facsinert. vurderer å vidaresenda mailen til min eigen innboks

konkurrangsje

2006-01-18T21:28:00.000+01:00

soundtrack: david bowie - it ain't easy

eg startar no meir eller mindre offisielt ei undersøking. som etter planen skal enda i med eit statistisk reknestykke. om idrettsfolk. og uttale av ord. nærare bestemt eit spesielt ord:

kor stort er sannsynet for at ein idrettsperson uttalar den siste delen av ordet konkurranse som ngsje i staden for nse? eg veddar på at sannsynsgraden er rimeleg stor. langt over femti prosent.

veddar du i mot?

sliten

2006-01-16T21:24:00.001+01:00

soundtrack: jacky terrasson - ne me quite pas

ååå, eg er sliten. veldig. har nettopp vore på symjing. (symjing er forresten eit veldi fint ord, kom eg til å tenka på no. hmm) har trent masse. masse masse masse. ååå, sliten no. men deilig sliten. ein fantastisk ting eigentleg. å vera sliten på ein deilig måte. noko som tilsynelatande er ganske sjølvmotseiande og som samstundes likevel ikkje er det. sliten som i at no har eg berre lyst til å ligga på senga med ein haug med puter og lesa bok og eta appelsin eller drikka varm sjokolade (eg kan jo ikkje godt både eta appelsin og drikka varm sjokolade. av ein eller annan grunn passar dei liksom ikkje heilt saman) og høyra på kosemusikk. med godt samvit. eg skal ingenting ant, og eg har trent. wow.. for ein fantastisk ting. sliten på ein deilig måte

hagl

2006-01-12T09:42:00.000+01:00

soundtrack: corinne bailey rae - like a star

eg må innrømma at eg aldri eigentlig har vore ein heilt stor fan av fenomenet hagl. har liksom ikkje heilt skjønt poenget. enten så får det regna skikkeleig (har komme til den konklusjon at regn eigentlig kan vera ganske koselig.. sjølv om eg og er heilt hinsides lei av å vera våt på føttene), store, skikklig våte, deilige dropar, eller så får det snø. helst snø. men hagl? kva? nei
men på arna i går, endra min oppfatning av hagl seg betraktelig. for et fantastisk haglver! plutselig kunne eg ikkje se NOEN ting lenger fordi absolutt ALT var dekt av dei mest fantastiske haglkulene eg noen gong har opplevd. store. raske. sterke. mm, sterke. skulle ønska eg hadde hatt ein paraply! det hadde vore kjekt! då kunne eg ha gjort sånn som dei alltid gjer i donald-historiene. å liksom brøyta meg veg gjennom haglet med paraplyen. men eg hadde ikkje noen paraply
når eg tenker på det så er eigentig hagl eit ganske fascinerande ord. hagl. med gl på sluttel liksom. gl? ganske rart. men ganske kult og. hagl. viss det ikkje var for at tekst og kultur har drept min fascinasjon for diktet "regn (impromptu)" så skulle eg ha skrive eit tilsvarande dikt om hagl
hagl er jo kjekt jo!

blog?

2005-12-19T22:53:00.000+01:00

soundtrack: iron & wine - bird stealing bread

eg? blog? hæ?

nei nei.. ja ja